Berzo: supressom do galego para ensino bilingüe inglês-castelhano

Acordo de 2006 entre Junta da Galiza e Junta de Castela-e-Leom possibilita ensino do galego no Berzo

Quinta, 12 Abril 2012 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Logótipo de Fala Ceive

PGL - A associaçom cultural Fala Ceive, da comarca do Berzo, denuncia que um colégio de Ponferrada pretende suprimir a matéria optativa de Galego para implantar umha secçom bilingüe inglês-castelhano. Segundo o coletivo, a escola Jesús Maestro suprimirá Galego em 1º do ensino primário já no vindouro curso académico 2012-2013.

De Fala Ceive lembram que a inscriçom do alunado —sempre com caráter voluntário— na disciplina de Galego é um direito mercê ao acordo assinado em agosto de 2006 entre o governo da Galiza e a Junta de Castela-e-Leom. Por esse motivo, da associaçom cultural acham que nom se pode deixar de oferecer o ensino da nossa língua em nengum centro do Berzo enquanto existir procura social.

Além do mais, de Fala Ceive criticam o despropósito de que a escusa para deixar de oferecer a disciplina seja a implantaçom de umha secçom bilingüe, pois «som totalmente compatíveis» e «tenhem os seus próprios recursos económicos, pessoais e pedagógicos».