Abertura do novo Centro Social da Aguilhoar

Quinta, 04 Outubro 2012 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - Da Aguilhoar convocam todos os seus associados/as e amigos/as ao ato de abertura do seu novo Centro Social, sito na rua do Forno do Concelho, nº 7, rés-do-chao, em Ginzo de Límia, o próximo sábado, 6 de outubro, a partir das 22h. Haverá petiscos para todos/as, bem como umha projeçom de video-reportagem, e um ato de apresentaçom da nova época da associaçom.

Novo local, nova época

Da Aguilhoar querem, aliás, transmitir que a mudança de local social nom é simplesmente uma mudança de espaço físico, mas o começo de umha nova época. Da Aguilhoar pretendem começar um novo caminho, com mais força, melhor organizados e maior capacidade de incidência na sua comarca, com o horizonte da independência nacional e da transformaçom social.

Esta mudança será reforçada nos próximos dias com umha atualizaçom no seu blogue e do seu logótipo como símbolos 2.0 de novas forças, agora, focadas nas possibilidades que as novas tecnologias oferecem, para fazerem chegar a sua mensagem as e aos limiaos, a partir das redes sociais, o videoativismo ou a fotografia política, que será alguns dos eixos das suas ferramentas de intervençom. Mas também a formaçom e defesa da nossa cultura e festas tradicionais jogarám um papel importante como espaços de (re)galeguizaçom para a Aguilhoar.

A Aguilhoar aberta a todas as luitas

Ainda, salientam que querem umha Aguilhoar que incorpore as novas formas de luita que na atualidade se estám a desenvolver, desde a horizontalidade e o assemblearismo, para a construçom de um espaço de debate e também de açom, que desde a pluralidade e participaçom desenhe desde já umha comunidade de galegas e galegos a viverem livres de Espanha e do Capital.