Campanha on-line de angariaçom de fundos para o XXVII Festival de Poesia do Condado

A desobediência será o eixo temático do festival deste ano, que decorrerá os dias 30 e 31 de agosto

Segunda, 08 Julho 2013 07:07

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

A falta de subvençons da Junta e o corte das ajudas públicas do Concelho obrigam a fazer este apelo público

PGL - A Sociedade Cultural e Desportiva do Condado encetou umha campanha on-line de angariaçom de fundos para o XXVII Festival da Poesia, que decorrerá os dias 30 e 31 de agosto e terá a desobediência como eixo temático. Da organizaçom assinalam que para manter o veterano certame, bem como a programaçom prevista, é necessário o apoio económico.

«Queremos que o nosso público o tenha tudo», indicam em referência à música, à poesia, ao bar, à festa infantil ou à projeçom de curtas no Festival de Cans, entre outros aspetos. Este desejo, somado à ausência de subvençons da Junta e ao corte de 60% nas ajudas do Concelho nos últimos dous anos, obrigam a SCD do Condado para fazer este apelo público.

Quanto ao eixo temático, a desobediência, deve-se à reivindicaçom de «umha vida digna, direito à sanidade e ao ensino, a teito, à alimentaçom, a um trabalho que nom nos roube o tempo e a saúde, a umha estrutura que dê cobertura às pessoas em situaçom de dependência, a um sistema económico que nom expolie os nossos recursos, a umha vida amável». Já no ano passado a denúncia do atual sistema económico centrou os protestos.


+ Ligaçons relacionadas: