1º de Abril: Feijóo criará a Direcçom Geral de Igualdade Cidadá, com Pousada como assessor

Substituirá a Secretaria Geral de Política Lingüística e assumirá algumhas competências da antiga Vicepresidência

Quarta, 01 Abril 2009 07:18

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Hoje será o debate de investidura de Alberto Núñez Feijóo

PGL - Em declaraçons realizadas esta manhá a umha estaçom radiofónica viguesa, Alberto Núñez Feijóo avançou que a Junta da Galiza por ele chefiada contará com umha Direcçom Geral de Igualdade Cidadá. Cumpre lembrar que hoje tem lugar no Parlamento o debate de investidura de Feijóo, quem previsivelmente será o novo presidente do Governo galego.

O novo departamento anunciado hoje polo líder do PP, substituirá na íntegra as competências da Secretaria Geral de Política Lingüística, e ainda assumirá algumhas novas que até hoje estavam na Vicepresidência da Igualdade e do Bem-estar.

Esta Direcçom Geral, inédita em anteriores governos galegos, garantirá a protecçom de todos os cidadáns contra o que Feijóo chamou «injustiças e imposiçons». Previsivelmente, o macro-departamento estará dirigido por María Seoane, actual presidenta das Nuevas Generaciones do Partido Popular da Galicia; ou bem por José Manuel Figueroa, um alto cargo do partido na província de Ponte Vedra e afim à linha ideológica de Corina Porro e Mariano Rajoy.

Ainda, também segundo as declaraçons realizadas por Feijóo, o novo departamento, «para o melhor cumprimento da sua gestom», contará com assessores externos, os quais terám «diferentes filiaçons ideológicas, porque quero ser o presidente de todos os galegos». Apesar de matizar que «ainda estamos em conversas», já avançou os nomes de José Manuel Pousada (da associaçom Galicia Bilingüe) para a área de igualdade lingüística, Berto Yáñez (empresário e gestor de redes sociais) para «a democratizaçom dos acessos à tecnologia» ou María Teresa Cancelo (decana da Faculdade de Económicas da USC) para combater as desiguldades económicas, «o qual será vital na minha gestom», sinalou.

 

NOTA: 'O primeiro de Abril vam os burros onde nom têm que ir''. Esta notícia foi o nosso modesto contributo para o Dia da Mentira de 2009, festejo tradicional galego  (e comum a outros países lusófonos) em cuja recuperaçom o PGL leva vários anos envolvido.

 

+ Anteriores notícias do Dia da Mentira no Velho PGL: