Novos recursos disponíveis na rede para a dinamizaçom do galego nos centros educativos

Além de poder ter acesso a novos conteúdos, os equipos tenhem a possibilidade de compartilhar  as suas experiências e iniciativas

Terça, 15 Setembro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

A missom central dos ENDL é incentivar o uso do galego nos centros educativos

PGL – A Secretaria Geral de Política Lingüítica disponibiliza o web «Volta à escola» para os equipos de normalizaçom e dinamizaçom lingüísitca (ENDL), para promover o uso da língua galega nos centros de ensino.

Coincidindo com o início do ano escolar, a Secretaria Geral de Política Lingüística da Conselharia da Educaçom incorporou à web das equipas de normalizaçom e dinamizaçom lingüística novos conteúdos de interesse para os centros.

Umha das novidades do web, renovado no seu desenho, é o espaço em que as ENDL podem partilhar as experiências e iniciativas levadas a cabo nos seus centros. Além disso, o web das ENDL incorpora informaçons de utilidade que vam das recomendaçons para a elaboraçom do projecto de dinamizaçom lingüística dos centros até propostas de trabalho para o início do curso.

As ENDL, formadas por professores, representantes dos alunos e pessoal nom docente, começárom a funcionar nos centros de ensino galegos no curso 1990-1991. A sua criaçom responde ao objectivo da Lei de Normalizaçom Lingüística de 1983 de conseguir que os alunos e alunas adquiram umha boa concorrência nas duas línguas oficiais da Galiza. Actualmente, a sua missom central é incentivar o uso do galego nos centros educativos, e ter um papel fundamental no desenho, na entrada em funcionamento e na revisom dos programas de planificaçom lingüística nos centros educativos.

 

+ Ligaçons relacionadas: