Portal galego para fomentar as dietas vegetarianas

Calcula-se que na Galiza há por volta de 3.000 pessoas que seguem as dietas vegetarianas

Sábado, 31 Outubro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

O dia 1 de novembro, celebra-se o Dia Internacional do Veganismo.

PGL – A Associaçom Libera anunciou o lançamento de um portal galego, redigido na variante oficialista, chamado Vexetais! com o que se pretende informar sobre as dietas vegetarianas. A iniciativa, pioneira na Galiza, forma parte das actividades de celebraçom do Dia Internacional do Veganismo, que terá lugar no dia 1 de novembro.

Na nova página web, as pessoas interessadas poderám conhecer melhor a dieta vegetariana e obter informaçom sobre diferentes refeiçons baseadas nos vegetais, que contam com o apoio de organizaçons internacionais, como a Associaçom de Dietistas do Canadá ou o Comité de Médicos para unha Medicina Responsável, de origem estado-unidense.

Ainda, Vexetais! oferecerá umha guia de locais de restauraçom que disponhem de menus aptos para vegetarianos, um receitário actualizado tanto para profissionais como amantes da cozinha em geral, e diferentes conselhos sobre saúde.

Um aspecto destacável é a relaçom que se estabelece entre as dietas vegetarianas e o impacto que tenhem no Meio Ambiente. Impacto denunciado polo Painel Intergovernamental para o Cambio Climático (IPCC) e o seu presidente, o Nobel da Paz, Rajendra Pachauri, e por Lord Stern, responsável da luita contra o aquecimento global no Reino Unido, entre outros.