Novo espaço anticapitalista da Galiza e os países lusófonos disponibilizado na rede

Diário Liberdade: Queremos dar voz às que luitam

Segunda, 08 Fevereiro 2010 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

O Diário Liberdade escolheu a dorna como símbolo, por ser o mar um elemento comum a toda a lusofonia

PGL – À meia noite de hoje, foi activado o Diário Liberdade, um novo espaço de informaçom alternativa sem fins lucrativos, destinado a dar voz aos movimentos sociais, sindicais, culturais, feministas e, em geral, de auto-organizaçom popular da Galiza e dos países lusófonos.

Na página, editada pola Associaçom Cultural Diário Liberdade, haverá constantes actualizaçons ao longo de todos os dias da semana, incluindo trabalho de redacçom e reproduçom de conteúdos de colectivos sociais situados em parámetros de esquerda anticapitalista, com critério aberto e plural.

O portal, feito na Galiza, com colaboradores nom só galegos, mas também do resto da lusofonia (Portugal, Brasil, Angola, etc), quer ser o espaço de todas e todos os que se vem afastados dos canais e circuitos informativos do sistema por defenderem projectos sociopolíticos que o combatem. Ademais, para além dos conteúdos sobre Galiza, haverá informaçom sobre as actividades dos movimentos sociais dos países lusófonos e do resto do mundo.

Junto com a da equipa de redacçom estável do Diário Liberdade, outras pessoas poderám colaborar com o Diário Liberdade, já que será disponibilizada a publicaçom directa a pessoas e colectivos, com a única condiçom do enquadramento ideológico anticapitalista e a utilizaçom do galego-português em qualquer das suas normativas ou padrons.

Para o envio de textos e materiais, foi disponibilizado um co-e, no qual também podem ser consultadas as duvidas ou fazer qualquer sugestom: diarioliberdade [arroba] gmail.com

 

+ Ligaçons relacioandas: