Jacobeu e concelhos promovem umha web só em castelhano

O portal pretende publicar informaçons sobre o Caminho de Santiago a partir da Semana Santa

Quinta, 11 Fevereiro 2010 09:22

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Apesar da colaboraçom das Administraçons, o galego está ausente do sítio web

PGL - Ontem foi apresentado o web Encaminate.com. Segundo recolhe o portal Galicia Confidencial,  a nova página conta com o apoio de 23 autarcas de 35 dos municípios galegos por que passa o Caminho de Santiago.

Porém, chama a atençom que a língua galega esteja totalmente ausente do sítio web, mesmo apesar de que as Administraçons públicas do País -colaboradoras do projecto- tenhem a obriga legal de fomentar o uso do nosso idioma.

Galicia Confidencial informa de que Encaminate.com pretende começar a publicar a partir da Semana Santa informaçons sobre o Caminho, além de abrir um canal de televisom no Youtube. Também abrírom umha secçom para recolher doaçons para pôr em andamento um jornal de distribuiçom gratuita.

Clone

Além da ausência do galego chama também a atençom que Encaminate.com, do ponto de vista estético, seja um clone da página da empresa creadora, Enxeño Galicia. Apesar de uma estar baseada na cor amarela e a outra na negra, a distribuiçom dos menus e a concepçom é essencialmente a mesma. Chega com comparar as duas imagens que oferecemos a seguir.

Capa de Encaminate.com
[prima aqui para alargar a imagem]

 

Capa de Enxeño Galicia
[prima aqui para alargar a imagem]