Orgulhos@s do galego aos 100% e aos 50%

Participam Luís Tosar, Martín Rivas, Maria Castro, Belén Regueira, Antón Reixa e Susana Seivane

Sexta, 26 Fevereiro 2010 09:49

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Imagem promocional da campanha

PGL - A Coordenadora de Equipas de Dinamizaçom e Normalizaçom Lingüística (EDNL) lançou recentemente umha campanha na qual homens e mulheres de sucesso reafirmam o seu orgulho perante a sua língua e a sua cultura, a galega.

Os actores Luís Tosar, Martín Rivas e Maria Castro; a jornalista Belén Regueira, o empresário audiovisual Antón Reixa ou a música Susana Seivane afirmam estar orgulhos@s do galego aos 100%, mas há já quem ponha isso parcialmente em dúvida.

A iniciativa nasce para transmitir à comunidade educativa e ao conjunto da sociedade galega um sentimento que deveria ser comum a todos nós, independentemente da ideologia de cada qual, da sua condiçom social ou do lugar onde se viva, independentemente da idade, raça, origem ou cor de pele que tenhamos.

Ademais das referidas celebridades, qualquer galego ou galega orgulhos@ da sua língua pode participar da campanha enviando um vídeo no que reivindique a sua língua. A informaçom sobre as bases da campanha pode ser consultada no blogue oficial da EDNL.

Orgulhos@s aos 50%

Porém, na internet galega já houvo quem levantou as primeiras vozes de protesto perante a incoerência nas afirmaçons de alguns dos supostos orgulhosos. Um dos exemplos de incongruência é a do filho do académico e escritor Manuel Rivas, que triunfa no Estado espanhol após ter castelhanizado o nome, passando-o de Martiño (Martinho), forma patrimonial galega, para Martín, equivalente castelhano.

O 'argumento' que deu em seu dia para tal mudança daria para umha análise: «No Starbucks perguntam-che o nome quando fazes um pedido e nunca me entendiam...». Curiosamente, jogadores dos principais clubes de futebol da Europa luzem com orgulho nas camisolas nomes como Robinho ou Ronaldinho e som perfeitamente pronunciados.

De outra banda, Maria Castro, a actriz do momento no Estado espanhol, também se orgulha na campanha polo galego. Porém, a sua página web pessoal apenas tem a opçom de visita em castelhano.