O Patifúndio!, revista cultural da lusofonia na rede

Iniciou há dous anos e conforma um dos sites de referência por conteúdos e atrativo da interface

Sexta, 09 Julho 2010 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Captura de ecrám da ediçom para a Galiza do Patifúndio

PGL - O Patifúndio é umha completa revista cultural que compreende todo o âmbito lingüístico lusófono a nível mundial, tanto nos países nos que esta língua é oficial —também a Galiza— como daqueles lugares de assentamento de populaçom lusófona.

O ambicioso projeto nasceu a partir da ideia de Michell Niero, criador também de Blogagem Coletiva. Na atualidade o site disponibiliza um nutrido conjunto de artigos jornalísticos, de criaçom e opiniom, ordenados nos seus respetivos âmbitos territoriais: África Lusófona (Angola, Cabo Verde, Moçambique, Guiné-Equatorial, Guiné-Bissau, São Tomé e Príncipe), Brasil, Galiza, Goa, Macau, Portugal, Timor Leste, mais umha seçom conjunta com as novas mais atualizadas.

Michell Niero procurou com este portal «umha nova Pangeia». Nas suas palavras, «som mais de 200 milhons de culturas falantes na língua portuguesa que diariamente som abastecidas por causas, histórias, imagens, informaçons, constrangimentos, alegrias, surpresas. Todo isso forma um bolo cultural cuja receita nos pode parecer umha difícil e rebuscada realidade. Dificuldade essa que logo é encarada de frente e colocada de lado, pois emergir neste mundo lusófono garante-nos umha viagem incrível por povos maravilhosos que tenhem a vocaçom de celebrar a diversidade».

O Patifúndio conta com umha seçom específica da Galiza, na qual já se publicárom vários artigos e que está aberta às colaboraçons de quem o desejar.

 

+ Ligaçons relacionadas: