Concelho de Sam Genjo alega razons «económicas e humanas» para excluir o galego

Além da simples inclusom, da Ciberirmandade pedem que o galego galego seja a língua padrom da página web oficial do município

Quinta, 29 Julho 2010 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - O Concelho de Sam Genjo aduz causas «económicas e humanas» para excluir o galego do seu portal web. Segundo pudo saber o Portal Galego da Língua, esta foi a resposta que se deu a algumhas das mensagens enviadas na seqüência da última campanha da Ciberirmandade da Fala.

O coletivo de internaturas pola língua animou a cidadania a participar na campanha enviando umha solicitude a este concelho do Salnês para lograr que a web oficial disponibilize a opçom de consulta dos conteúdos em língua galega.

Na atualidade, o galego está excluído do site, que leva mais de dous anos a exibir a mensagem de que está em construçom. Além da simples inclusom, da Ciberirmandade pedem que o galego galego seja a língua padrom da página web oficial do município.

A seguir reproduzimos a mensagem de resposta.

Ola antes de nada e grazas por utilizalo servizo de mensaxería web.

Con respecto a súa solicitude, informarlle que dende o departamento web estaríamos encantados de activar o idioma galego, pero agora mesmo por razóns económicas e humanas non poderá habilitarse dita opción.

Para unha páxina dinamica, na que cambian contidos practicamente a diario habilitar dous idiomas non é tan sinxelo como pode parecer. Un saúdo.