24 horas galego fullscreen: explica em vídeo como é um dia inteiro a falar galego!

A iniciativa de Galegolab procura que as pessoas apresentem vídeos de cinco minutos explicando a vida quotidiana na nossa língua

Sexta, 24 Setembro 2010 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - A plataforma Galegolab abre um concurso de audiovisuais no qual os participantes devem resumir num máximo de cinco minutos como é o dia a dia dum falante na Galiza e o prémio em jogo é de 300 euros.

O certame está aberto a quem quiger mostrar como se desenvolve a sua vida lingüística num dia normal. O 24 horas galego fullscreen é umha das iniciativas propostas pola comunidade de GalegoLab. Desde a sua colocaçom na web fôrom-se recebendo as achegas económicas ou humanas até juntar o número necessário do júri popular e a quantidade total do prémio.

A eleiçom do premiado corresponderá a um júri popular composto por seis voluntários de GalegoLab, que será o que entregue como prémio umha serigrafia de GalegoLab feita por Antón Patiño. O outro júri, formado por um mínimo de 3 especialistas e um máximo de 6, outorgará o prémio em metálico. Também se contempla a possibilidade de entregar accéssits sem dotaçom económica.

O prazo para a recepçom de vídeos rematará a 31 de Outubro à meia-noite. A partir desse momento serám enviados a Eufalo.TV, na qual se disponibilizarám para o público. O nome dos ganhadores dará-se a conhecer antes de 30 de Novembro.

Para maior informaçom pode-se acudir à web de GalegoLab ou ao correio de informaçom da plataforma, info[arroba]galegolab.org.

 

+ Ligaçons relacionadas: