Vencello, rede de blogues temáticos em galego

Também visa impulsionar blogues de novas temáticas e pôr em relaçom pessoas com interesses comuns

Terça, 30 Agosto 2011 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - Vencello é umha rede de blogues temáticos em galego. A equipa promota define a iniciativa como a soma de diferentes projetos que «procuram cobrir um leque amplo de temáticas com o ponto comum de estarem escritos em língua galega».

Ainda, Vencello visa ser um «ente impulsionador de blogues de novas temáticas, que ponha em relaçom pessoas com interesses comuns que procuram escrever sobre um tema e nom poderiam ou nom quereriam gerir um blogue em solitário». Com essa perspetiva inclui-se umha espécie de 'viveiro' de blogues, A Incubadora.

Por enquanto formam parte de Vencello vários blogues temáticos que cofrem espaços muito diversos, como Cinema Friki (cinema), Galiloxía (tecnologia) ou Memoria Pixelada (videojogos), entre outros.

Nun proxecto coma este, que é fonte de información para todas e todos os que se acheguen a visitarnos, é preciso marcar uns principios de autorregulación claros e sinxelos que garantan a calidade, credibilidade e transparencia das nosas publicacións, para poder ser un sitio de referencia na Internet.

Princípios

As linhas reitoras do projeto Vencello incluem a defesa das licenças Creative Commons BY-NC-SA 3.0 —por sinal, a mesma utilizada polo PGL—, diferenciaçom nas publicaçons entre a informaçom e a opinom, retificaçom em caso de erro e informaçom acerca da correçom, rejeiçom à publicaçom de calúnias, identificaçom das fontes e, se possível, preços dos produtos de que falam os blogues —se for o caso—, entre outras consideraçons.