'Sei o que nos Figestes...' finaliza a sua andaina

A última açom, a comemoraçom dos 525 anos da «doma e castraçom» do Reino da Galiza

Segunda, 19 Setembro 2011 07:46

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - A plataforma Sei o que nos Figestes... nos Últimos 525 Anos (SOQNF) anuncia hoje o fim do projeto após três anos de caminhada em que nom deixárom indiferente ninguém e protagonizárom numerosas iniciativas que mesmo chegárom a aparecer na imprensa tradicional.

Como indicavam no seu Manifesto Cruel e Poderoso, divulgado em agosto de 2008, o projeto nasceu com data de caducidade, porque «[...] se nom nos dá antes a Frouxeira, serám três anos (2008-2011) para comemorar (e bebemorar) a tradiçom e a mitologia galeguista em clave pop [...]».

Foi, com efeito, um «triénio triunfal» em que os auto-denominados herdeiros da Via Anti-Colonial Activa (VA-CA), a Conspiradora Anti-Colonial Armada (CA-CA), os Aduaneiros sem Fronteiras, a Frente Retranqueira Anti-Colonial (FREAC) ou mais recentemente  Tan Gallego como el Gazpacho nom deixárom de agitar a internet galega... nem de trascender o ecrám para protagonizarem açons a pé de rua.

Alguns exemplos disto último, a Fiesta Españhola, As Uvas à Nossa Hora, Bilingüismo Mr. Marshall, A Revoluçom de 1846 Tal Qual a Contamos, O Referendo Soberanista de Arins ("Homenatge a Catalunya"), diferentes apostasias coletivas ou o Caminho_a_Teu, entre muitas outras convocatórias, todas elas recolhidas no seu blogue na secçom "Sei o que Ides Fazer". A derradeira foi na passada quinta-feira, dia 15, em que se comemorou na Praça do Obradoiro o 525º aniversário chegada dos Reis Católicos a Compostela, data que simboliza o começo da «doma e castraçom» do Reino da Galiza.

Contudo, no próximo mês ainda poderia haver alguma surpresinha, pois, o artigo de despedida finaliza com este apontamento:

No entanto e visto que, segundo El Libro del Limosnero de Isabel la Católica, os Reis Católicos permanecerom em Compostela até dia o 16 de outubro, ainda temos margem para ir subindo a esta página mais algumha foto e/ou vídeo.