Publicados os vídeos ganhadores do concurso 'Mobiliza-te pola Língua'

O director Jorge Coira e o presidente da CNTL, Nel Vidal, formárom parte do júri

Terça, 19 Maio 2009 07:23

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

'Mobiliza-te pola Língua' organizou-se por segundo ano consecutivo

PGL - Da Mesa pola Normalizaçom da zona de Lugo centro publicárom na rede os ganhadores e alguns dos participantes do concurso de vídeos Mobiliza-te pola Língua, destinado a que pessoas de todo o país (sobretudo jovens) registassem no telemóvel situaçons quotidianas nas quais encontram problemas para usar o galego.

Foi este o segundo ano consecutivo no qual se organizou o certame, cujas bases [PDF] fôrom enviadas para todos os centros de ensino de primária e secundária da província de Lugo, além das escolas de imagem e som.

Formárom parte do júri entre outros o director de cinema Jorge Coira e o presidente da Coordenadora de Trabalhadoras e Trabalhadoras de Normalizaçom Lingüística, Nel Vidal.

Como anedota, apesar de o concurso ter como ámbito principal a província de Lugo, o vídeo ganhador chegou o CPI Cernadas de Castro, no concelho noiês de Lousame. Foi intitulado «Por que non en galego?»:

 

 

O segundo prémio assinárom-no duas pessoas a título individual, Lolo e Iago, e pugérom-lhe por nome «Segunda División»:

 

 

Por úiltimo, o terceiro prémio foi da mesma autoria que o anterior. O título, «Zara, home, Zara»:

 

 

 

+ Ligaçons relacionadas: