‘Galiza vencerá!’, novidade da Abrente Editora

Foi apresentado em Compostela polo Dia da Pátria

Segunda, 27 Julho 2009 06:24

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Vista parcial da capa do último livro de Maurício Castro

PGL - Dentro do programa de actividades previsto para o Dia da Pátria, a Abrente Editora apresentou um novo título, da autoria de Maurício Castro: Galiza vencerá! (vinte e oito textos sobre língua e construçom nacional publicados na imprensa galega -1999-2009).

O volume recolhe, como o título indica, artigos do autor publicados durante a última década na imprensa do nosso país sobre temática lingüística ou sociolingüística.

Os 28 textos que integram este volume, agora publicados dentro da colecçom ‘Construirmos Galiza’, fôrom anteriormente publicados em diferentes jornais,  revistas e outros meios impressos e digitais, ao longo da última década. Todos eles se caracterizam pola brevidade e polo teor divulgativo, o que facilita a sua leitura fragmentária por qualquer pessoa interessada pola sorte do galego, tendo como tema comum o conflito lingüístico existente na Galiza.

Os meios em que aparecêrom escritos os artigos seleccionados som: A Nosa Terra, Vieiros, Novas da Galiza, Abrente, GZnación, Agália e o Portal Galego da Língua. Neles, som abordados, quase sempre a partir de episódios de actualidade relacionados com o idioma, aspectos da política lingüística galega, postos em comparaçom com outros contextos internacionais e analisados com umha perspectiva normalizadora.

Esta compilaçom, que conta com um prólogo escrito polo catedrático de Língua e Literatura Galego-Portuguesa na USC e presidente da Comissom Lingüística da AGAL José Luís Rodríguez, forma um volume de 134 páginas que se vende a um preço de 10 euros.

A unidade da língua, a padronizaçom, o estatuto legal, o bilingüismo, os preconceitos, o sexismo na linguagem e outros ingredientes do cocktail social existente na Galiza fruto da imposiçom histórica e actual do espanhol estám presentes nestas páginas, cuja tese fundamental é sintetizada já logo no título: Galiza vencerá!


Capa do novo título lançado pola Abrente Editora


O autor

Maurício Castro (Ferrol, 1970) é licenciado em Filologia Galego-Portuguesa pola Universidade de Santiago de Compostela e actualmente trabalha como professor de Português na Escola Oficial de Idiomas de Ferrol. Em 1990 associou-se à AGAL e desde 2006 é membro da sua Comissom Lingüística. Ainda, foi o primeiro porta-voz do MDL e presidiu a Fundaçom Artábria durante a sua primeira etapa.

Activo participante no movimento normalizador reintegracionista, é autor e coautor de diversos trabalhos sobre temática lingüística e sociolingüística galega, tais como a História da Galiza em Banda Desenhada (1995), Manual de Iniciaçom à Língua Galega (1998), Galiza e a diversidade lingüística no mundo (2001) ou o Manual Galego de Língua e Estilo (2007), além de artigos e colaboraçons em publicaçons periódicas em diferentes jornais (digitais e em papel) e revistas.

 

+ Ligaçons relacionadas: