Novo trabalho da comissom de recuperaçom da memória histórica da AC Foucelhas

«Sob a batuta de Manuel Garcia Gerpe, o Bloco da Juventude agrupava a jovens do republicanismo, comunismo e nacionalismo galego da comarca de Ordes»

Segunda, 10 Agosto 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Nenas e nenos da comarca de Ordes com o uniforme da Frente de Juventudes a princípios dos
anos 40.

PGL – A Associaçom Cultural Foucelhas, da comarca de Ordes, disponibiliza três estudos de carácter histórico sobre as festas de Santa Maria de Ordes de 1935 e sobre os guerrilheiros galegos Manuel Ponte Pedreira , 'O Xastre', e Benigno Andrade, 'O Foucelhas'.

O colectivo acaba de publicar um breve caderno monográfico em que se relata o sucedido nas festas de Santa Maria de Ordes de 1935 onde, em tempos de República, o presidente da cámara municipal, António Concheiro Igrejas, boicoteia as festas populares convertendo-as num treino do que serám as festas de doutrinarmento nacional-católicas que terám lugar durante o franquismo. Esta provocaçom, terá resposta da mao do Bloco da Juventude, iniciando umha onda de indignaçom que chegará à capital do estado e provocará um juízo militar.

Com a vitória do golpe fascista de 1936, esse grupo de jovens que chegara ao poder municipal com a Frente Popular é retaliada com dureza: onze deles serám fuzilados, outros, como Manuel Garcia Gerpe, exilarám-se depois de combater com a República e passar polos campos de concentraçom franceses.

O caderno, que tem umha forte intençom pedagógica, inclui um guia de leitura no que som explicadas as equivalências fónicas das grafias etimológicas da nossa língua. Para além disso, o estudo é acompanhado por interessantes fotografias, notas a rodapé e referências bibliográficas.

O monográfico, que está à venda ao módico preço de um euro, pode também ser descarregado em formato PDF no blogue da associaçom.

De forma paralela, a associaçom edita dous dípticos sobre os guerrilheiros Benigno Andrade Garcia 'O Foucelhas' com texto elaborado pola Comissom de Memória Histórica da Gentalha do Pichel, e Manuel Ponte Pedreira,  'O Xastre', este último fruto do trabalho da associaçom cultural da comarca de Ordes.

Os dípticos serám repartidos gratuitamente nos estabelecimentos de Ordes e, da mesma forma que no caso do estudo anterior, podem ser descarregados em formato PDF.

 

+ Ligaçons relacionadas: