Nasce o projecto Colega para a aprendizagem inicial da leitura e a escrita

Pretendem estendê-lo até o segundo e terceiro ciclo da educaçom primária

Quinta, 10 Setembro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Os cadernos Colega estám pensados para seren empregados nas aulas e para servir de apoio na casa

PGL – Acaba de ser apresentado o projecto Colega, derivado de «Compreensom e Lectoescrita em Galego», um método dirigido aos nenos e nenas de Educaçom Infantil e o primeiro ciclo da Primária.

Devido à carência de materiais didácticos para iniciar os párvulos no conhecimento e compreensom das letras a partir do galego, Teresa Fociños, María Carmen García Vila e María Xosé Rodríguez Ares, que na sua experiência docente tivérom que elaborar materiais próprios ou tirar dos editados em espanhol, decidírom preparar um método capaz de paliar a carência existente.

O resultado éo projecto Colega, que sai do prelo em 5 volumes. Com umha metodologia marcadamente lúdica, ademais das actividades típicas potencia outras habilidades como a atençom, memória ou discriminaçom auditiva e visual. Por enquanto, a iniciativa nom recebeu qualquer ajuda pública.

As três autoras, docentes em Carvalho, Corunha e Vimianço, tenhem experiência no ensino, sendo umha  delas mestra de segundo curso de primaria, e as outras professoras de Audiçom e Linguagem.

 

+ Ligaçons relacionadas: