Nós-Unidade Popular edita caderno biográfico sobre Henriqueta Outeiro

O caderno inclui um CD com a gravaçom de umha entrevista realizada à guerrilheira na década de setenta

Sábado, 26 Setembro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

A guerrilheira galega será homenageada, o próximo 11 de outubro na sua paróquia natal de Miranda, Castro Verde

PGL – Com motivo do Dia da Galiza Combatente, Nós-UP acaba de editar um caderno biográfico sobre a figura da guerrilheira comunista galega Henriqueta Outeiro, que será homenageada neste ano coincidindo com o XX aniversário do seu falecimento.

Segundo informam no portal web de Nós-UP, o caderno fai um repasso biográfico da sua intensa vida combatente desde a sua participaçom na guerrilha galega da década de quarenta onde por méritos próprios atingiu elevadas responsabilidades políticas e militares, passando polos 16 duros anos de prisom, até as iniciativas sociais do seu último treito vital.

Ainda, o caderno inclui um CD com a gravaçom audiovisual praticamente desconhecida de umha entrevista a Henriqueta Outeiro realizada na década de setenta.

Com a intençom de dar a conhecer entre a militáncia mais jovem as origens do Dia da Galiza Combatente, o pacote também inclui umha explicaçom das razons polas que em julho de 2001 a Direcçom Nacional de NÓS-UP acordou instaurar o 11 de Outubro como data fulcral para a esquerda independentista. O caderno, que se completa com um resumo das ediçons anteriores, estará disponível proximamente em formato de fácil leitura.

Desde já, pode conseguir-se a ediçom em papel a um preço de 2,50 euros mais gastos de envio solicitando-a no correio nacional [arroba] nosgaliza.org.