Periódico 'Diagonal' apresenta secçom em galego da sua página web

A publicaçom quinzenal de informaçom crítica apresenta o jornal e a secçom em galego do seu site em Vigo

Sexta, 15 Outubro 2010 08:01

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - O jornal de informaçom crítica Diagonal, sediada em Madrid (Espanha) e com distribuiçom de ámbito estatal, apresenta em 16 de Outubro às 18 h, na Cova dos Ratos,  a secçom em galego do seu portal na Internet.

No local da rua Romil viguesa decorrerá umha mesa redonda intitulada «Outros jeitos de informar», com a participaçom do jornal Diagonal, Novas da Galiza, Rádio Piratona e Rádio Kalimera.

Diagonal é um jornal de informaçom de actualidade, debate, investigaçom e análise que, com a participaçom de dúzias de pessoas ao longo do mundo, é editado em papel as quintas-feiras cada quinze dias.

O seu nascimento apoiou-se  na realidade dos movimentos sociais que luitam por transformar a ordem actual das cousas. Assim, Diagonal configura-se como "umha alternativa comunicativa séria e de qualidade". A sua premissa é ficar à margem de poderes económicos e políticos potentes, graças a um grupo de "profissionais e activistas da comunicaçom"

Na actualidade Diagonal conta na Galiza com umha equipa de pessoas colaboradoras que estám a trabalhar na secçom em galego do site web do jornal. Na apresentaçom falará-se do referente informativo que Diagonal quer ser também na nossa língua.


+ Ligaçons relacionadas: