Urco Editora publica o romance 'Carmiña Burana', de Santiago Bergantinhos

É o terceiro título da coleçom Alcaián, apresentada recentemente no Achegarte

Terça, 03 Maio 2011 08:29

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - A Urco Editora acaba de publicar o romance Carmiña Burana, do galego Santiago Bergantinhos. É este o terceiro título da coleçom Alcaián, apresentada na feira dedicada à criaçom e à indústria cultural da Galiza, o Achegarte, no passado mês de Abril.

Embora a obra de Bergantinhos se publicou originariamente em 1997, a nova ediçom inclui importantes modificaçons das quais o próprio autor dá conta num blogue em que se oferece informaçom adicional e textos que irám completando o romance.

Ambienta-se em Compostela, que nos descobre umha realidade implacável,onde tudo é muito mais complexo do que em um primeiro momento é possível perceber. Numha cidade lôbrega e decadente acontece este relato, dumha estudante de matemáticas  que mantém um romance com Xan, com quem mora, um moço algo enigmático e que guarda um segredo.

Ela tem claras dúvidas sobre a verdadeira face do seu companheiro, e a sua curiosidade há levá-la a conhecer e desentranhar o que jamais imaginaria nem desejaria chegar a saber, sobre um mundo que nom possui qualquer piedade, a existência dumha realidade desconcertante e inextricável em que se vê envolta como um túnel escuro do que é preciso sair para vislumbrar a verdadeira natureza humana.

Disponível na Feira do Livro

Além de polos canais de distribuiçom habitual, o livro pode ser adquirido também na Feira do Livro de Compostela, que decorre até 8 de maio no passeio da Alameda.

 

+ Ligaçons relacionadas: