Restam menos de três meses do concurso para eleger novo logótipo da AGAL

Data limite para enviar propostas é 17 de novembro

Quinta, 25 Agosto 2011 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Logótipo comemorativo do 30º aniversário da associaçom

PGL - Restam algo menos de três meses para poder participar no concurso para eleger um novo logótipo da Associaçom Galega da Língua (AGAL). O certame arrancou no passado dia 9 de junho, data em que se comemorava o 30º aniversário da redaçom da ata fundacional da AGAL.

As bases do concurso, publicadas no PGL, assinalam 17 de novembro como data limite para enviar as propostas de novo logótipo da associaçom. Como indicado nelas, cada pessoa participante poderá enviar até três propostas diferentes.

Prémios

A pessoa cuja proposta resultar ganhadora obterá como prémio umha refeiçom em Casa Tito (Campo Lameiro); umha pernoita numha casa de turismo rural com ceia e pequeno almorço incluídos, a escolher nos períodos maio-junho de 2012 ou setembro-outubro de 2012, sempre segundo disponibilidade da casa; e um cheque de 200 euros em produtos da loja Imperdível (www.imperdivel.net), que será entregue em forma de códigos promocionais, bem como a possibilidade de associaçom grátis um ano à AGAL e desfrutar das vantagens em produtos e atividades da associaçom.

Ainda, poder-se-á conceder também um accessit em forma de associaçom grátis um ano à AGAL, incluindo também as vantagens mencionadas.