PGL – O Seminário de Lexicologia da Academia Galega da Língua Portuguesa (AGLP), que terá lugar o dia 5 de outubro em Santiago de Compostela, será o contexto em que o Presidente da AGLP e o Reitor Magnífico da Universidade Aberta (UAb) assinem um Protocolo de Colaboraçom.

Os aspectos fundamentais do documento referem a colaboraçom na investigaçom, a valorizaçom da língua portuguesa, e a difusom da oferta académica da Universidade Aberta.

O Presidente da Academia Galega, Professor Doutor Montero Santalha, catedrático da Universidade de Vigo, referiu que esta colaboraçom vai contribuir a visibilizar a situaçom do português da Galiza, e facilitar o acesso dos estudantes galegos ao ensino superior, nom presencial, na sua língua.

Pola sua parte, o Reitor da Universidade Aberta, Professor Doutor Carlos Reis, analisou as vantagens do e-learning, em entrevista dada recentemente ao jornal País Económico. Carlos Reis referiu também a Aprendizagem ao Longo da Vida (ALV) como um dos actuais desafios e opçom estratégica da UAb, que disponibiliza mais de 20 cursos de ALV neste ano lectivo.

A esse respeito, considera que a Universidade tem sabido «tirar proveito das potencialidades técnicas que o Ensino a Distância (EaD) dispom» para rentabilizar uma vertente de ensino vocacionada para «públicos dispersos adultos, já formados, necessitados de reconversom profissional, necessitados de actualizaçom de aprendizagem».

+ Ligaçons relacionadas:

• Página da AGLP
• Seminário de Lexicologia organizado pola AGLP [PGL, 29/09/2009]
• Carlos Reis: «Mudar a ortografia para muita gente é, um pouco, como mudar o corpo» [PGL, 08/10/2008]