Musicando Carvalho Calero: 'Desde o Céu com Amor', de Ataque Escampe

Segunda, 30 Agosto 2010 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

PGL - Um dos grupos de mais sona da atual cena musical galega, os Ataque Escampe, é um dos últimos conjuntos a participar no concurso Musicando Carvalho Calero, e fai-no com a cançom Desde o Céu com Amor.

Ataque Escampe é um grupo de rock acústico constituído em Santiago de Compostela a finais de 2001. Gostam de definir o seu estilo como rock de série B porque partindo de umha instrumentaçom singela mas variada —do banjo ao hammond, do kazoo à percussom electrónica, da trompa à harmónica—, oferece umha proposta musical que trata de ser sólida e autónoma, enquadrável numha trajectória antivirtuosa praticamente inédita na Galiza.

O rock de série B é um modo de entender a música que abrangue um ingente abano de géneros bastardos, do bolero ao punk, passando polo valse, o tango, a cançom popular galega, o country, o fox-trot, o soul ou o rap.

A cançom que apresentam ao concurso, Desde o Céu com Amor, é um tema próprio que pretende ser umha espécie de testamento apócrifo de Carvalho Calero. Podem escuitá-lo a seguir e votá-lo no site web de Musicando Carvalho Calero.

 

Desde o Céu com Amor - Ataque Escampe

JavaScript is disabled!
To display this content, you need a JavaScript capable browser.

O concurso

Musicando Carvalho Calero é umha homenagem musical ao insigne ferrolano organizada em parceria pola Associaçom Galega da Língua (AGAL), em parceria com Komunikando. Grupos musicais ou solistas escolhem um poema do ilustre galeguista para o musicar ou bem escolhem áudios do professor para realizarem samplers. Da AGAL e Komunikando defendem esta iniciativa polo silenciamento da figura de Carvalho Calero neste 2010, ano do seu centenário. Por tal motivo visam «sonorizá-lo».

Os grupos interessados em participar têm ao seu dispor as bases e outras informações no site http://musicandocarvalhocalero.komunikando.net/. O prazo para enviar as propostas finaliza em 20 de outubro, e dez dias depois conhecerá-se o nome do ganhador ou ganhadores.

Votaçom

Os grupos ou solistas ganhadores serám eleitos baixo um sistema misto de votaçom popular via Internet mais um tribunal integrado por pessoas vinculadas de umha ou outra maneira ao difícil mundo da música. Os nomes dos ganhadores e ganhadoras serám conhecidos no dia 30 de outubro, centésimo aniversário do nascimento de Carvalho Calero.

Prémio

O prémio para o grupo ou solista ganhador será umha semana num estúdio profissional de música para gravar os temas que considere oportuno e três dias mais para as misturas e masterizaçom do disco. O disco incluirá o tema enviado ao concurso, e será editado com licença Creative Commons.

 

+ Ligações relacionadas: