PGL – A SC Mádia Leva! e a AC Artábria celebrárom ontem, quarta-feira dia 30 de dezembro, a chegada do Apalpador a Lugo e Ferrol, que repartiu castanhas e brinquedos artesanais entre as crianças presentes.

O Apalpador em Ferrol

O Apalpador voltou a Ferrol, por segundo ano consecutivo, para repartir castanhas e presentes artesanais às crianças da comarca. Depois de passar polo Centro Social da Fundaçom Artábria, agradecendo o labor de socializaçom da nossa própria cultura nacional e da figura do gigante carvoeiro, fijo umha visita ao local da Associaçom Vicinal de Esteiro, onde foi muito bem acolhido, igual que nas ruas de diferentes bairros da cidade. Um grupo de trasnos e a música tradicional galega acompanhárom com troula o passeio do Apalpador, que cumprimentou numerosas crianças ferrolanas.

Apesar da água, toda a gente deu cumprimentos ao Apalpador, nomeadamente as nenas e os nenos, que recebêrom presentes e castanhas em troca de um sorriso. Aos pais e às maes, a quadrilha do velho carvoeiro courelao repartiu-lhes folhetos explicativos sobre a figura do Apalpador e sobre a importáncia de recuperarmos e praticarmos os nossos próprios referentes culturais.

Mais fotografias do Apalpador em Ferrol clicando na imagem

O Apalpador em Lugo

A S.C. Mádia Leva! celebrou também a chegada do Apalpador a Lugo. Acompanhando o velho carvoeiro, num animado cortejo que tivo lugar nas ruas do casco velho, o pessoal da associaçom repartiu castanhas entre as crianças e informou os presentes da chegada da figura própria do Natal galego.

Depois, montado no formoso triciclo no que carregava o carvom e mais as castanhas, a comitiva chegou até o centro sócio-cultural Uxio Novoneira. Lá na ludoteca aguardavam mais crianças para conhecer o nosso companheiro do Courel, numha emotiva jornada acompanhada pola música das pandereteiras do Mádia Leva.

Mais fotografias do Apalpador em Lugo clicando na imagem

+ Ligaçons relacionadas:

• Canal "O Apalpador" no PGL
• Imagens da visita do Apalpador às crianças de Vigo, Ginzo e Compostela [PGL, 29/12/2009]
• O Apalpador visita Ginzo da Límia, Ourense, Ferrol e Lugo [PGL, 28/12/2009]
• O Apalpador, protagonista na TVG [PGL, 25/12/2009]
• A Gentalha do Pichel prepara a saída do Apalpador [PGL, 23/12/2009]
• Galicola, também com o Apalpador [PGL, 22/12/2009]
• Alargada reportagem sobre o Apalpador e o artista Leandro Lamas no suplemento dominical do “El Correo Gallego-Galicia Hoxe” [PGL, 21/12/2009]
• O Apalpador visita Ponte Areias [PGL, 18/12/2009]
• Obradoiro de brinquedos na Gentalha do Pichel [PGL, 17/12/2009]
• Chegou o verdadeiro livro do Apalpador! [PGL, 17/12/2009]
• Quinta-feira, palestra 'O renascer do Apalpador' [PGL, 17/12/2009]
• Pedem unificar a imagem do Apalpador [PGL, 10/12/2009]
• O Concelho de Santiago promove alargadamente a figura do Apalpador neste Natal [PGL, 05/12/2009]
• O Apalpador chega também à publicidade [PGL, 04/12/2009]
• Grande trabalho dos centros sociais para recuperarem o Apalpador [PGL, 20/12/2008]
• O Apalpador tornará-se realidade no Natal galego [PGL, 08/11/2008]
• A Gentalha do Pichel recupera o Apalpador, figura mítica do Natal Galego [Velho PGL, 27/12/2007]
• Polo Natal... Chega o Apalpador. Cartaz explicativo em PDF. Gentalha do Pichel, novembro de 2008
• José André Lôpez Gonçález. O Apalpador. Personagem mítico do Natal galego a resgate. Texto [em PDF] publicado polo PGL em 31 de dezembro de 2006
• Grupo do Facebook O Apalpador quer ser o teu amigo
• Material didáctico editado pola AC Foucelhas para enviar às escolas [em PDF]