PGL - Bernardo Rodrigues, operário da construçom e natural da Marinha, é um dos alunos do curso on-line Escrever.com.NH.  Ele considera que este curso, que conta com umha nova ediçom no dia 17 de junho, é umha maneira ótima de começar a escrever com jeito.

Que te motivou a fazeres este curso online?

No local onde moro, na Marinha, nom sabia onde fazê-lo fisicamente, assim que realizá-lo online foi umha oportunidade. Por umha banda impós-te a disciplina e pola outra contas com a ajuda de um profissional.

Pensas que os conteúdos do curso deveriam ser dados no ensino obrigatório?

Deveriam, acho que lá aprendemos um monte de cousas inúteis e ficamos ignorantes da nossa própria língua.

Que te surpreendeu mais?

Por umha banda rematá-lo, porque tivem algum momento de apuro com o trabalho e isso, e por outra dar-me conta da quantidade de decalques e expressons em espanhol que usava sem dar-me conta.

É difícil escrever com ortografia portuguesa?

Acho que nom, com um pouco de prática e com os recursos que há na internet.

Quais pensas que som os pontos fortes dos alunos galegos/as?

Que só estám a instruir-se noutra forma de escrita e léxico que nom usavam,  nom é o mesmo que aprender umha outra língua totalmente diferente.

Quais pensas que som os pontos fracos?

Talvez a escolarizaçom na norma RAG que fai com que tenhamos uns hábitos na escrita complicados de corrigir.

Porque recomendarias este curso?

Porque se aprende muito com liberdade de horários, nom é muito caro e dá para começar a escrever com jeito.