PGL - O autarca da Corunha, o socialista Javier Losada, pediu o reconhecimento da forma deturpada La Coruña como topónimo cooficial da cidade, questom que situou como «prioridade» do seu labor à frente da Câmara municipal.

Na entrevista concedida ao diário El País, Losada critica dobremente o labor do PP na oposiçom. De um lado, acusa-os por terem-no «perseguido» por defender a forma deturpada até o ponto de que «fôrom eles quem conseguírom que nom pudéssemos ter o que eu desejo [...] que é a oficialidade das duas formas de chamar a cidade, legalizar o topónimo castelhano da nossa cidade». A outra crítica é por, precisamente, resgatarem agora a polémica, iniciativa que qualifica de «demonstraçom da sua falta de propostas, objectivos e discurso sobra a cidade».

Desta maneira, Losada recolhe a luva lançada por Feijóo há uns dias logo de assegurar que aceitaria o que aprovasse a Câmara municipal e que o levaria ao Parlamento. «Já há um acordo plenário do Concelho. Tem-no a Conselharia da Presidência desde 2004. O senhor Feijóo apenas tem de lho pedir e levar umha lei ao Parlamento. Tem maioria absoluta para levá-la para a frente», indicou o regedor corunhês.

No entanto, o PSOE, partido ao qual pertence Losada, anunciou também que se oporia a qualquer iniciativa neste sentido. «Nom o sei», responde o autarca. «Eu digo-lhe [à entrevistadora] o que vam fazer os socialistas corunheses, que é, se nos derem a oportunidade legal, utilizar os dous nomes da cidade, somo sempre solicitámos».

+ Ligações relacionadas:

• Entrevista na íntegra no El País
• Feijóo abre as portas à toponímia deturpada [PGL, 16/09/2009]