Galego Sempre Mais chama a mobilizar-se pola língua o dia 18 no bloco reintegracionista
É o acordo a que chegárom os colectivos integrantes da plataforma na reuniom do passado sábado
Terça, 06 Outubro 2009 12:20
Imagens da manifestaçom do passado Dia das Letras
PGL - Como noticiámos no Portal Galego da Língua, o passado sábado, dia 3 de outubro, tivo lugar em Compostela umha reuniom da plataforma Galego Sempre Mais. O principal acordo a que se chegou foi a de aderir-se à manifestaçom pola língua do vindouro dia 18.
Como aconteceu na manifestaçom do Dia das Letras, o 'bloco laranja' reintegracionista participará na mobilizaçom com presença e faixa próprias, neste caso sob a palavra de ordem «Contra o bilingüismo, hegemonia social do galego». Ainda, aprovou-se redigir um manifesto que se distribuirá na marcha e do qual informaremos proximamente no PGL.
Por último, na seqüência da reuniom também se decidiu dar continuidade a Galego Sempre Mais, e com este propósito e para dinamizar o funcionamento da plataforma haverá futuras reunions.
+ Ligaçons relacionadas:
