PGL - Enquanto o povo galego tomou as ruas de Compostela reclamando umha maior presença da língua nacional em todos os âmbitos e protestava polas políticas regressivas, o presidente da Junta, Alberto Núñez Feijóo, fazia umhas surpreendentes declarações na última jornada da sua visita institucional a Londres.

Na capital do Reino Unido, Feijóo visitou o Centro Galego e salientou a «riqueza cultural» do nosso povo e apostou no trilingüismo como «a melhor opçom».

Ainda, o presidente da Junta destacou que a educaçom «comprometida» para a Galiza requer um ensino em galego, castelhano e inglês. Em declarações textuais recolhidas pola agência espanhola Europa Press, Feijóo defende que sejam estras três línguas, e nom outras, porque «quinhentos milhões de pessoas falam  inglês, 400 castelhano e 200 milhões pertencem ao mundo lusófono», o qual implica umha necessária vinculaçom do galego com a Lusofonia.

Reapariçom de Anxo Lorenzo

A jornada de ontem implicou também o regresso de Anxo Lorenzo à actualidade informativa. Depois de muitas semanas sem que se soubesse nada dele, o director-geral de Política Lingüística reaparecia para reconhecer o seu «respeito» pola manifestaçom nacional em prol do galego e para afirmar que a Junta «nom prevê» —mas tampouco descarta— modificar a Lei de Normalizaçom Lingüística no que atinge à toponímia oficial.

+ Ligações relacionadas:

• Mais de 70 mil pessoas manifestárom-se em defesa do galego [PGL, 18/10/2009]
• Web de Galego Sempre Mais
• Cartaz da manifestaçom
  
• Adesons e chamamentos à participaçom para o dia 18 [PGL, 16/10/2009]
• Galego Sempre Mais chama a mobilizar-se pola língua o dia 18 no bloco reintegracionista [PGL, 06/10/2009]
• Convocada reuniom da Plataforma Galego Sempre Mais [PGL, 01/10/2009]
• Dossiê sobre o conflito lingüístico no 'Voz Própria' [PGL, 28/07/2009]
• Manifesto pola hegemonia social do galego [PGL, 15/07/2009]
• Mais de 50.000 pessoas saírom à rua para denunciar a imposiçom do castelhano [PGL, 18/05/2009]
• Galiza vencerá! [artigo de opiniom de Maurício Castro no PGL, 17/05/2009]
• Plataforma Galego Sempre Mais apresentada publicamente [PGL, 19/04/2009]