A Universidade Aberta de Lisboa abrirá dous centros na Galiza

As cidades galegas estám ainda por determinar

Terça, 15 Dezembro 2009 00:00

Atençom, abrirá numha nova janela. PDFVersom para impressomEnviar por E-mail
Engadir a del.icio.us Compartilhar no Twitter Compartilhar no Chuza Compartilhar no Facebook Compartilhar no DoMelhor

Carlos Reis, reitor da Universidade Aberta

PGL – O acordo de colaboraçom entre a AGLP e a Universidade Aberta de Lisboa (UAb), assinado no Seminário de Lexicologia que tivo lugar em Compostela no mês de Outubro,  concretiza-se agora com o compromisso em firme da Universidade Aberta de abrir dous centros na Galiza para começar a sua actividade no vindouro curso académico 2010-2011.

Os galegos e galegas interessadas em matricular-se nalgum dos títulos, mestrados ou doutorados que a instituiçom pública portuguesa de ensino a distancia oferece, poderám fazê-lo entre os meses de maio ou junho do ano próximo.

No portal web da UAb já foi disponibilizada a informaçom relativa à oferta académica e aos requerimentos de matrícula. O acesso é livre para os universitários galegos, já que pode aceder qualquer aluno em posse do  título ou que tenha aprovada, no mínimo, umha disciplina. Os demais, terám que fazer um exame de acesso.

O reitor da UAb, o professor Carlos Reis, referiu que «a língua portuguesa é umha língua acessível para qualquer galego» e que «dada a facilidade de circulaçom dos diplomas», entendêrom «possível, útil e pertinente, estender a oferta pedagógica à Galiza».

Ainda, Reis asseverou que «é aceitável pensar que um dia se encontrará a forma de reunir os equilíbrios para que umha naçom como a galega forme parte, realmente, da Comunidade dos Países de Língua Portuguesa (CPLP), no estatuto que se entenda que é o mais adequado».