PGL - A Associaçom Galega da Língua (AGAL) colabora com a associaçom cultural 'Fillos de Galicia' na difusom da obra Nomes galegos de hoxe e de onte. Mercê de umha campanha de arrecadaçom de fundos que entra na fase final, prevê-se o envio gratuito de, polo menos, 50 exemplares à diáspora galega. Se se ultrapassarem os 330€ fixados como mínimo, graças ao dinheiro sobrante serám enviados ainda mais livros.

Por sua vez, a Comissom Lingüística da AGAL colaborou nesta obra achegando informaçom sobre as grafias dos nomes, seguindo os critérios da norma reintegracionista do galego. De 'Fillos de Galicia' consideram que o livro é um ótimo instrumento para dar a conhecer estas formas gráficas galego-portuguesas, as quais podem ser «de especial interesse» para os galegos e galegas —ou os seus descendentes— a residir noutros países da Lusofonia, nomeadamente no Brasil.

O objetivo final do livro, bem como da campanha para o envio gratuito à emigraçom, é «promover que os galegos da Diáspora conheçam a nossa rica antroponímia e aumentar assim o número de descendentes do nosso povo que levam com orgulho um nome galego, também fora das nossas fronteiras».

Além disso, mercê da iniciativa de crowdfunding, também pessoas com residência na Galiza poderám-se fazer com umha versom eletrónica deste trabalho, ao mesmo tempo que contribuem para a receçom gratuita em formato físico de outra pessoa que esteja a morar fora do nosso país.

Nomes galegos de hoxe e de onte é o fruto do continuado interesse de 'Fillos de Galicia' pola difusom da antroponímia galega, especialmente num contexto em que som poucos os galegos e galegas cujo nome é «reconhecivelmente galego», situaçom muito mais precária na emigraçom.